Justiça para Jimmy. Fascismo nunca mais!

LEMBRAMOS FRANCISCO JOSÉ ROMERO TABOADA, JIMMY.

JimmyWebOs que tenhem o poder real sabem que, neste mundo da informaçom efémera, a primeira versom dos factos é a que afinal fica na memória coletiva. Por isso os políticos sistémicos e os seus meios de comunicaçom servos se apressurárom a fazer umha narraçom rápida da notícia da sua morte, FALSEANDO os factos.

RAPIDAMENTE qualificárom a agressom como umha “reyerta” entre bandos que previamente tinham combinado o encontro. Depois averiguamos que nom fora tal, mas sim umha emboscada preparada polos fascistas à chegada dos siareiros deportivistas. Mas, nom por acaso, ESQUECÉROM retificar para fazer pública a verdade…

RAPIDAMENTE, também, começárom a publicar os antecedentes penais do Jimmy, num claro exemplo de criminalizaçom da vítima. ESQUECÉROM-SE, PORÉM, de falar dos seus assassinos: nem os nomes dos suspeitos, nem os antecedentes deles, nem os seus enquadramentos e atividades em grupos violentos fascistas.

Só lhes FALTOU dizer que a culpa era do Jimmy por vir a Madri. Como foi que lhe ocorreu provocar a sensibilidade dos fascistas com a sua presença de ex-delinquente? É normal que esses fascistas exemplares se indignassem com ele, o condenassem a morte e o executassem imediatamente no rio!

Também se ESQUECÉROM de contar que os antecedentes penais do assassinado estavam ligados à sua toxicodependência, mas que era umha etapa que já tinha superada e que tinha umha vida reabilitada, com um emprego e umha família. Claro, o mesmo que se ESQUECEM SEMPRE de contar a estreita relaçom dos mafiosos das drogas com o principal partido da direita estatal espanhola, o seu partido.

RAPIDAMENTE as autoridades começarom a penalizar os siareiros deportivistas agredidos com multas equivalentes a anos de trabalho, porém nom aplicárom multa ningumha aos seus agressores nazis. A SIGNIFICAÇOM é clara: justificam assim a reaçom dos nazis, o ataque é culpa dos galegos por ousarem vir aos seus domínios, à capital do império!

MAS, porque NÓS NOM ATURAMOS umha narraçom falsa e porque NÓS NOM ESQUECEMOS, PROTESTAMOS firmemente, dous anos depois da morte do Jimmy, perante o estado de total impunidade dos culpáveis:

TOTAL IMPUNIDADE PENAL dos autores materiais do seu assassinato: ninguém foi condenado, nem sequer há ninguém argüido perante a justiça neste momento.

TOTAL IMPUNIDADE POLÍTICA E SOCIAL dos manipuladores da informaçom e dos espalhadores dessa manipulaçom: a classe política sistémica e os seus meios de comunicaçom servos e cúmplices, todos continuam no seu labor de intoxicaçom sem ter que dar explicaçons.

TOTAL E PERMANENTE IMPUNIDADE POLÍTICA das organizaçons fascistas neste Estado, sempre tolerante com eles, mas agora cada dia mais e mais.

Por todo isso LEMBRAMOS E PROTESTAMOS polo Jimmy, como LEMBRAMOS E PROTESTAMOS polas mortes do Aitor Zabaleta, Lucrecia Pérez e Carlos Palomino, todas vítimas dos assassinos da rede nazi-fascista desta cidade.

FASCISMO NUNCA MAIS!!